Komisaun Simu Malu, Lia Los No Rekonsiliasaun Timor Lorosa'e

 

Profile Komisarios Nasional Sira Nian

 Aniceto Guterres Lopes 

Chefe

Aniceto moris iha Tapo, distrito Maliana iha  tinan 1967.  Horas ne’e nia hela iha Dili.

·          Diretor fundasaun Direitus Humanus nian NGO ‘Yayasan Hak’ iha Dili, husi 1997, nebé nia mos nudar fundador ida, Praktisioneru ba direitus humanus ho profisaun lei nian.

Nia ativu maka’as iha promosaun justiça ba Timor Lorosae.  Nia mos uluk iha serbisu Komisaun Serbisu ba Judicial transisaun nian (Judicial Transitional Services Commission), husi fulan Janeiru 2000. Nune’e mos Fundador ida ba Assosiasaun Juristas iha Timor Lorosae husi fulan April 2000

Aniceto mos hanesan membro ida ba Konselho Nasional Timor Lorosae nian (CN) iha fulan October 2000 – July 2001, uluk liu ne’e’ nia serbisu hanesan Secretario Jeral ba Yayasan East Timor Agricultural and Development Project (ETADEP) husi tinan 1992 – 1996. Aniceto mos ativu hanesan membru ba organisasaun “Resistencia Nacional dos Estudantes de Timor Leste” (RENETIL) husi tinan 1989. 

 

 

Padre Jovito Araujo

Vice-chefe

Padre Jovito mai husi Hatolia distritu Ermera, nia moris  iha tinan 1963.   Horas ne’e nia hela iha Dili.

Nia sai  hanesan Padre ba Igreija Katolika iha Diocese Dili hahu tinan 1996.  Agora dadaun ne’e nudar Presidente ba Komisaun Juventude Katolika  Diocese Dili durante tinan tolu nia laran, Nia desembolve tiha ona ligasaun forte ida ho komunidade juventude nian.

Partikularmente Padre Jovito iha interese mak’as ho problema direitus Humanus nian.  Nia mos ativu hanesan membru ba Resistencia Nacional dos Estudantes de Timor Leste (RENETIL), organisasaun ne’e nia base iha Indonesia ho Timor Lorosae, hahu 1987.  

   

Olandina Caeiro  

 

Olandina mai husi Distritu Ermera, no nia moris iha tinan 1956.  Nia nudar feto empresaria ida nebé fo nia tempu iha tinan barak  iha serbisus publiku espesialmente ba prevesaun direitu feto nian.

Olandina Diretora fundasaun ETWAVE (East Timorese Women Against Violence and for Children Care) hahu  1998.  Nia mos nudar membro ida ba Komisaun Indonesia nian ida ba Eleminasauan Violensia ba feto iha tinan  1998. 

Hahu tinan 1990, Nia sai ona direitur ba Compeny DIDU Pty Ltd, no maneja nia restaurante  “ Olandina’s” iha Dili.  Olandina mos hanesan membru chefe ida iha Komisaun serbisu publiku nian iha Timor Lorosae iha tinan (Octobre 2000 – 2001), mos nudar membru DPR ka parlemento nian ida iha Dili hahu tinan 1997 – 1999.     

 

 



Jacinto Alves

 

Jacinto moris iha tinan 1957, iha Distrito Manatuto.  Horas ne’e nia hela iha Dili.

Nia nudar Coordenador ba Associasaun Ex-Prisoneirus  Politica, hahu  fulan Janeiru 1999, Hanesan prisoneiru politika ida depois de massacre Santa Cruz iha fulan Novembru 1991.  Jacinto hetan kastigu durante tinan  10 nia laran,  Nia hetan duni  kastigo ne’e to’o tinan 7 deit,   nia sai husi kadeia iha loron 30 fulan desembru 1998.

Jacinto mos hanesan membro fundador NGO ida nebé hanaran ‘Komisaun Direitus humanus Timor Lorosae ’ iha tinan 1999, Nune’e mos membru ativu ida ba Komisaun emergensia ba ema nebé fahe malu iha Dare (distrito Dili). Nia mos sai ona nudar Konseleiru Senior atu hola desisaun nian iha escritoiu interino ba Komisaun Simu Malu, Lia Los e Rekonsiliasaun , hahu fulan Julho 2001.

 

 José Estêvão Soares

Jose moris iha tinan 1955 iha Laklubar, distritu Manatuto, no nia hela fatin horas ne’e iha Dili.

Jose mos nudar membru fundador Organisasaun politika Pro otonomi nian, Forum Persatuan Demokrasi dan Keadilan (FPDK) iha tinan 1999.  Nia husik hela Timor Lorosae iha fulan Setembru 1999, no sai hanesan refugiadu iha tinan ida nia laran iha Denpasar, Bali, to,o nia fila hikas mai Timor iha fulan Outubru 2000.  La kleur deit bainhira nia fila mai Timor, nia sai hanesan Membru Conselho Nasional (CN) iha fulan Outubru 2000 – Julhu 2001.  Nia mos sai ona nudar Konseleiru Senior atu hola desisaun nian iha escritoiu interino ba Komisaun Simu Malu, Lia Los e Rekonsiliasaun , ne’ebé hahu iha fulan Julhu 2001.

Jose mos uluk nudar servante sivil (Pegawai Negeri ) Fungsionariu Publiku  iha okupasaun  tempu Governo Indonesia nia  iha Timor Lorosae.  Nia nudar juru bicara Governu nian no cehefe Relasaun Publiku nian iha tinan 1993 – 1997, no tuir mai  nia serbisu iha Repartisaun BKPMD Provincia Timor. Nia mos lori posisaun nudar sekretariu organisasaun KORPRI nian iha Timor Lorosae iha tinan 1999.

  

Isabel Guterres

Isabel moris iha tinan 1958, iha Viqueque.  Horas ne’e nia hela iha Maliana.

Nia Serbisu kleur ona hamutuk ho organisasun ba asistensia humanitaria sira. Liu-liu Serbisu ho Jesuit Refugee Services (JRS), fo suporta ba refujiadus sira nebe atu fila ba Timor Lorosae.

Isabel hela iha Australia ho tinan 15 nia laran no nia serbisu nudar infermeira ida.  Nia fila mai Timor iha fulan Novembro 1999, no nia kontinua atu usa nia esperensia profesinais  setor saúde nian iha nia serbisu ho Medicines Sans Frontieres (MSF) no ho World Vision. 

 

Reverendo Agustinho de Vasconselos

Rev. Agustinho moris iha tinan 1970,  Kaiualita, Distrito Baucau.   Horas ne’e nia hela iha Dili.

Rev. Agustinho serbisu hansean Pendeta ba Igreija Protestante  nian iha Dili hahu 2000. Rev. Agustinho serbisu hanesan Pendeta Igreija Maranatha nian iha Distrito Baucau iha tinan 1999 – 2000.  Uluk liu nia serbisu hanesan Pendeta Igreija Maranatha nian iha Distrito Oecussi iha tinan 1996 –1999,

Nia ativu liu hodi fo suporta atividade Juventude nian.  Nia serbisu hanesan Secretariu, Departemento de Juventude nian iha Igreija Protestante Timor Lorosae (IPTL).

Iha tempo barak ona mak nia partispa iha workshop ka training kona ba isu rekonsiliasaun nian iha Timor Loromonu no fatin seluk iha Indonesia.

 

 

Atu hetan informasaun seluk, halo fabor kontakto deit Kantor Interino iha Balide, Dili.    

Tel: + 61 8 8946 3900 ka 312210  Ext. 4513      Mobile:  +61 (0) 407 394 957 

Email:  info@easttimor-reconciliation.org

 

 Dili, 18 Janeiru 2002  

Copyright © 2001 Commission for Reception, Truth and Reconciliation in East Timor

Home Background Mandate News Documents Funding Commissioners Glossary Search