INFORMASAUN BA MEDIA, 27 Novembro 2001
Panel Selesaun ba Commissão de Acolhimento, Verdade e Reconciliação de Timor Leste horas ne’e hakarak fo sai informasaun lista badak ida kona ba candidato sira nain 15. Hosi candidato sira ne’e mak sei considera atu hili nain 7 ba posisaun Comisarius Nasional. Lista ne’e baseia iha Nomeasaun 95 nebe simu tiha ona hosi publico.
Lista badak ba candidato sira mak tuir mai ne’e :
|
Rev. Agustinho da Vasconselhos |
Jose Ramos Horta |
|
Aleixo Ximenes |
Padre Jovito Araujo |
|
Alexandre Corte Real |
Manuela Leong Pereira |
|
Aniceto Guterres Lopes |
Miguel Ati Bau |
| Antero Benedito da Silva | Olandina Caeiro |
| Cipriana Goncalves | Pat Walsh |
| Florentino Sarmento | Ricardo Ribeiro |
| Jacinto Alves |
Ami konvida ema hotu atu fo nia komentariu ruma kona ba lista ne’e, ou husu perguntas ba Panel Selesaun, to’o loron 4 Desembro 2001.
Panel hakarak hato’o obrigado barak ba publico ba sira nia interses no partisipasaun iha proceso selesaun, no fo hanoin ba ema hotu atu kontinua fo sira nia input (ideia). Sira nebe atu tu’ur iha posisaun 7 ba Comisarius Nasional mak sei lidera no tau matan ba problema sira kona ba rekonciliasaun no justica iha Timor Lorosae. Sira nia serbiso principal tebes ba Commissão nebe sei hetan desafiu maka’as.
Comisarius Nasional nain 7 ne,e tenke ema nebe nia karakter moral diak, iha integridade, imparsial no honesto ca justo – sira mos tenke iha komitmento ba direitus humanos. Importante mos, katak sira tenke representa diferensa opiniaun no esperencia iha Timor Lorosae – diferente entre regiao sira, entre feto ho mane, no entre diferente opiniaun sira iha konflito politica nebe akuntese tiha ona iha Timor Lorosae.
Commissão ne’e nia funsaun iha tolu, Ida atu buka no establese lia los kona ba violasaun direitus humanos iha Timor Lorosae iha fulan Abril 1974 – Outobro 1999; Rua, atu suporta reintegrasaun ba ema nebe halo krime kman iha comunidade-base no halao proceso reconciliasauan; no Tolu, atu submete relatorio no fo recomendasaun ida ba Governo atu hola medidas legais no Institusional ruma atu perevende no garantia ba respeito direitus ema nian iha tempo oin mai.
Ema ruma hakarak atu hato’o komentario kona ba lista ne’e, ou husu perguntas ba Panel bele fo:
· Contacto ba Escritorio Interino ba Commissão de Acolhimento, Verdade e Reconciliação de Timor Lorosae iha ex CNRT/UNAMET , Balide, Dili. Tel: 0407 395 957, Ou
· Contacto ho UNTAET Devisaun Direitus Humanos nian iha Distrito sira hotu.
Copyright © 2001 Commission for Reception, Truth and Reconciliation in East Timor