INFORMASAUN BA MEDIA, 22 Novembro 2001
Panel Selesaun ba Komisaun Simu Malu, Lialos no Rekonsiliasaun, semana liu ba ramata tiha ona processo consulta ho comunidade tomak Timor Lorosae kona ba nomeasaun ba Komisarius Nasional ho Regional.
Hanesan parte ida ba processo consulta nian, Panel Selesaun mos halao tiha ona visita ba 13 Distrito iha Timor Lorosae. Iha sira nia visita tomak, Panel Selesaun informa tiha ona ba publico kona ba Komisaun, esplica ho claro kona ba processo nomeasaun Komisarius, no simu recomendasaun sira hosi setor hotu-hotu comunidade nian inclui mos lider tradisional sira, Igreija, ONG , Groupo Feto no suporta hosi grupo vitima sira nian.
“Hare ba numero nebe mai hosi comunidade liu 300 -- ne,e hatudu katak comunidade for suporta maka’as ba proceso ne’e, sira hola parte iha level hotu-hotu ba buka lia los no halao rekonsilisaun,” tuir lian hosi Francisco Amaral, Secretario ba Panel Selesaun nian.
Panel Selesaun mos halao tiha ona consulta iha Timor Loromonu, liu hosi encontro iha Kupang, Kefamenanu ho Atambua, organisa hosi ONG Local sira no grupo Igreija nian nebe serbisu ho comunidade refujiados sira iha Timor Loromonu. Nune’e mos halao tiha ona encontro seluk ho lider pro-otonomi, depois de encontro Panel mos simu tiha ona nomeasaun ba Komisarius hosi gropo pro-otonomi.
“Sira nebe ami hasoru iha Timor Loromonu supporta tebes ba Komisaun ne’e. Liu-liu tan Komisaun ne,e sei hare ba violasaun Direitus Humanus nian hosi 1974–1999, ho proceso independente ida,” tuir relatorio Amaral nian.
Saida mak sei
halo tan iha etapa tuir mai ?
Panel Selesaun mos simu tiha ona nomeasaun 95 ba Komisarius Nasional no nomeasaun 219 ba Komisarius Regional, hosi organisasaun formal no gropo comunidade sira. Panel sira horas ne’e iha hela processo selesaun atu habadak lista kona ba Komisarius Nasional, no sei halao mos intervistas. Sira sei halo recomendasaun ba tomada de pose ba Komisarius Nasional, nain 5 – 7 ba Administrador Transisaun Timor Lorosae iha principio fulan Desembro nian.
Panel Selesaun sei bele mos decide atu halo nomeasaun seluk, no ida ne’e sei halo mos consulta ho comunidade. Komisarius Nasional mak sei hili Komisarius Regional wainhira sira simu tiha tomada de pose.
Processo nomeasaun ho selesaun Komisarius, nebe halao tuir consulta ho comunidade tomak iha Timor Lorosae, nebe hanesan etapa importante ida atu estabelese Komisaun nebe bele serbiso ho diak atu servi ba interese povo Timor Lorosae nian.
Atu
husu informasaun ba Panel Selesaun, fabor contacta ho Snr.
Francisco Amaral: 0409 009 293.
Copyright © 2001 Commission for Reception, Truth and Reconciliation in East Timor